Katherine Johnson
itiza ci Katherine Johnson(凱薩琳·強森) aci ama niza mueneng i micapiay tu kikilangan a adidiay a niyazu’, pihibangan tu, mikilul tu ciniza ci amaan niza ta i kikilangan misakakawaw. sitangah ci Katherine, matineng ciniza misausi cacay a kilang a hacica ku zayliw, hacica ku kalamkam nu buting midanguy, hacica ka talakaw nu pitakud nu pawalil. u satinengay ciniza i cacudadan a micudaday. matineng ciniza misausi macaliway tu ku mihcaan niza ku tineng, u caay kadayum a su-sey munday matineng ciniza. kyu, patayzaen nu saydan ciniza i ceng-sang a cacudadan micudad. tayza i baluhay a cacudadan ci Katherine, caay kalipahak ciniza, zaysa lumeni’ ku banges niza, caay kalecad atu kaput, makai’ ku katuuday maladay aci niza micudad. nika lalum cikasa ci Katherine. maydih ciniza, maydih ciniza mala satinengay a ke-sey-ca(科學家). balaki satu ci Katherine, mala mitelacay tu, u pabahelay tu fo-cyeyn ku tungus niza. u tungus niza u tatayna amin. u zumaay u tatama amin, zaysa a kisitangahen nu tatama ku tatayna sa kuheni. maydih ci Katherine a macakat, hini sa ku i pabaway niza, “ piales si, a silaheci satu ku tatayna haw? ” u zuma satu, mazih niza ku baluhay a teyn-naw(電腦) a tineng, nai’ ku wantan hakay mamiliyun cinizaan misakakawaw sa ciniza. ngalub satu ku pisaicelang niza misakakawaw, pacakat tu tineng nu niza, pasubana’ tu kaput niza minanam tu baluhay a tineng. cacay a demiad, mapeci’ ku teyn-naw nu kong-se, caay tu ka bahel kiza fo-cyeyn. miladay ci Katherine tu katuuday, misakapah tu teyn-naw. u tineng niza atu pina tu a mihca nabililan niza, sausien aca niza ku kuy-taw nu fo-cyeyn, walik han amin ku cacanan a munday, pana’ hantu ku fo-cyeyn patayza i way-tay-kong(外太空). matineng tu ku tawki niza, matineng ci Katherine tu su-sey(數學), kapah aca ku pikuwang niza, pacakat hantu ciniza mala i pabaway. napakayza, palamel hantu ku tatayna atu tatama misakakawaw, caay tu pikacili ku tatama tu tatayna.
凱薩琳和爸爸住在靠近森林的一個小部落，每到假日，她都會跟爸爸一起去森林裡工作。凱薩琳很聰明，可以計算出一棵樹木能製造多少木材，魚兒游泳的速度，兔子往上跳離地面的高度。她在學校是學習能力最出色的學生。她可以計算出超過她年齡程度，複雜的數學題目。於是，老師推薦她到鎮上的學校讀書，在那裡她可以學到更多知識。來到新學校的凱薩琳，生活並不快樂，因為她的皮膚是黑色的，和同學們不一樣，大家都不想跟她一起讀書。不過凱薩琳並沒有一直沉浸在悲傷中。她有個願望，希望能成為一位出色的科學家。凱薩琳長大後，成為了一位研究員，負責讓火箭飛行。她工作的部門全都是女性。其他部門都是男人，因為男人覺得女人不比他們聰明。凱薩琳想要升職，可是她的主管說:「放棄吧!女人是不可能成功的!」另一方面，她發現公司引進新的電腦技術，隨時會取代她的工作。她更加努力工作，提升自己的能力，並教導同部門裡的同事們學習新的技術。有一天，公司的電腦故障了，火箭沒有辦法按照原訂計畫起飛。於是凱薩琳帶領大家，修復電腦。靠著她的才智與多年的努力，重新計算出火箭的軌道，排除各式各樣的問題，讓火箭發射到外太空。老闆發現，凱薩琳不但數學能力優秀，管理能力也很出色，便把她升為主管。從此以後，男人和女人都可以一起工作，再也沒有男人瞧不起女人。
malalitin tu ihekalay atu zumaay a natinengan
mikawaway-kalumyiti- https://web.klokah.tw/pbc/book/online/index.php?id=122：NASA的女科學家，原住民族語E樂園由財團法人原住民族語言研究發展基金會 製作