Lisin

u lisin nu mita,caay kalecad,masazumazuma tu ayza.pakaynien i nika sazuma nu dadiw atu zikuc.

anu cekiw han sa a malatulu ku kakitizan nu zuma, sa amisan, nu tebanan, atu satimulan.itini saamisan

henay sa, makayza i Kiku atu Ciwidian, pasaamis katuku i Takidis, u teban sa , makayza i Hulin pasatimul

katukuh i Kumpu. nu pasawali sa, maka Bakung pasatimul katukuh i Tumiyac, u nutimulan han, maka Banaw

atu Madawdaw. pasatimul i katukuh i Palidaw i teluc nu Taywan.

lisin,anu malecadle ad ku pikabitan tunu amisan, nu itebanan, atu nu satimulan,kilamit, masazuma nu

payniyazuan, atu kakawaw tu sapilikc ku niyazu’,sisa masazuma tu ku lisin nu niyazuay.

pakayni i zuma nu mikuwanay, kinapinapina tu malaliyun ku lisin nu mita, i kalipunan sa, u labads nu matuasay

(babalaki) a misakuli(kakawaw), u saka padeteng saan kuheni, a misacacay a bulad milisin,uynian sa,micapi

tu a malawwid ku lipun palacacay hantua palalen. a misacacay a lipay ku pilisin. ayza satu, nu sasizuma sa

malaliyun , izaw ku cacayay a demiad, anu tusaay nu tusaay, nu zuma saan izaw ku misacacayay a lipay a lisin.

lisin a dadiw nu mita, caay ka nga’ay a cecay a mudadiw, izaw ku mikieciway, izaw ku micaladaway, tu cilaheci ku

dadiw nu sakailisin. milikuda satu ,caay ka aca makakayat. uniyan i tila kita a mabana’ tu nika u sa kalekec nu niyazu’

ku pilisin henanay.

u milisin hanaay, u sapasubana tu binawlan,nika u malaheci tu kamu nu babalaki atu kakakaka ku tademaw a mauzip

caay ka nga’ay a micungangah, a paculi tu babalaki atu kakakaka u sanaay a palatademaw, matineng tu kita kaylaan

i tini i pipa’aluduan atu pipa’ketedan i kailisinan.

nu makayni i kalisinan, kasiwantan nu mita ku uzip nu mita tu, nika caay piliyas tu u kawkawsan a mauzip. i pipakumudan

atu pisapatulunan a demiad, u nu kawakawasan ku kawaw nu niyazu’ zakep(ti’elen). nu mahini, i dawya kataynian nu

Kilistukiw, caay ka lalima ku tademaw a milayap tu pakaylaan nu misakilistuay. ayza sa mananam tu mikaputay tu kawas

a uzip nanutu’as.

u dadiw i kalisinan, u zuma tu nu misalukiyaway a dadiw. sizuma caay ka saan a mudadiw tu kaludadiw i kalisinan.

masitudung ku kasasilul ku dadiw,saka tadamaan ku sapiazih numita tu lisin.