Pict a tademaw

Pict a tademaw nilaculan i kaayawan nu pinapina a Seci, Pict a tademaw aenengan a kitidaan nuheni, saayaway sa i nuamisan nu Fus a sauwac Piketaweyya,u aydaay Caletuniya（aydaay a Sukelang）a Yincumin ku Pict a tademaw.

       saayaway masulit i cudad ku Pict a tademaw , i 297 a mihcaan, iti  Luma a diday maadih i lalabu nisanga’an ni Eumenius  a dadiwan. duma sa payni i lalabu nu Lating a imi, Pict hananay, u mipakulitay a tademaw, acaca makulitay ku kulul  a tademaw sananay, nika Pict a sulit atu u Kelt a binacaadan a kamu malasualaay malecaday : “ u  Kelt a kamu Pict a tademaw  u Cruithne a tademaw han nuheni, ya musakamuay tu nu Pulitunyace a kamu a Kelt a tademaw, u Prydyn han kuheni, wuni namakay Pulitieng Britain. ”

likisi payni nayay ku nisulitan, u duma maliwanay nikaudip a tutuud nu nababalaki, mahida piliwanan nuheni misaluma’atu mahicahicaay nipisikian a budawan, mahiniay a mateneng tu ku lutulutuc tu siyakay nu Pict a tademaw. itawyaay a Pict a tademaw napatideng tu kuheni tu adidiay a kanatal nuheni, kanahatu sumamad masasulebu caay ka lalecad ku balucu’, nika u migingkiw a tademaw patatenga’kuheni, u Piketaweyya ( aenengan kitidaan nu Pict a tademaw, makay Yakayl Fus a sauwac katukuh nuamisan nu Kelay te a sauwac. idaw ku tatusaay tabakiay a kanatal itini. i Mounth, i nuamisan ku cacay. u Mulicieng ku satetebanay. duma sa i nutimulan, Forteviot ku tukay iti Illang kamu a likisi masulit naidaw ku pituay a kanatal nu Pict a Wungku: 1.Caititi —aydaay Kays-nas atu Sase-lang. 2.Ce— iti aydaay Mar atu Pukeng. 3.Circinn—iti aydaay Ankescin atu Mearns. 4.Fib—iti aydaay Fafucin atu CingluscinFafuwanku the Kingdom of Fife）. 5.Fidach—iti aydaay Mulicen atu Luscen 6.Fotla—iti aydaay Asyk atu Kawtuwan. 7.Fortriu—iti aydaay Strathearn atu Mengtis.（u Fortrenn han nu Lu-ma a tademaw atu Verturiones） iti kapahay a nisulitan, nuamisan nu Sukelang Awkeni kayadahay a subalsubalan, hakay idaw henay ku dumaay a Wanku itida saan.

       Kilusetu miinuliay a tademaw i limasepat a Seyki, pasumaden nuheni mala Kilusetu ku timulay a Wuangku sa, masumad ku papaydaan nu amisay Pikete Wuangku.
      i piinulian nuheni, itidaay i timulay nu Sukelanga a Ingku a tademaw atu Peyenpulueyan a kyukay, iti Piketaweyy atu Iawna a subal patideng tu tabakiay a sakalitinlitin nu  kyukay atu kyukayan.
       i sumamad a kamu nadebungen nu Talliadta a tademaw ku  Pict a tademaw kyu malimad ku Pict a tademaw tini i nuamisan nu Sukelang a Awkeni a subalsubalan.
       atu i pituay a Seyki katukuh siwaay a Seyki nayay ku situngusay nipatahekalan namikuwan ku Talliata a tademaw itini, kyu mapabaliw ku likisi a tademaw tu mahiniay a kamu.

pitapalan nuheni u kuwang nu Pict Onuist mac Uurgust hananay (729 a mihcaan-761 a mihcaan)atu Caustantin mac Uurgust kuwang nu Pict(789 a mihcaan-820 a mihcaan) u namikuwanay tu Talliata a kitidaan.

       Mikidem ci Onuist tu Dunadd, dakepen nida ku tatamaay a wawa nu Talliata kuwan, atu ci Caustantin pabelien nida ku wang a kitidaan pabelien tu tatama a wawa nida, u calekaka, atu u laluma’an wawa nu kaka milaylay tu piketawiya a kuwan kuheni katukuh i 893 a mihcaan midebung ku Wicin a tademaw tu Pict a tademaw。

iti Wicin a Ditay makay amisan nu Ucu midebungay a tademaw maala tu nuheni ku katabakiay a kitidaan nu Pikitawiya a pala, mahida u Kaysnas, Saselang, atu nutipan a subal ,Luscing.

       i nutimulanay a Pikitawiya kalalais nu Pict a tademaw atuWiking a tademaw katukuh baki a wawa ni Kenneth mac Alpin  ci Constantine mac Aeda(900 a mihcaan -943,942 a mihcaan).