Pitepi
Pitepi / Bitcoin (kamu nu Hulam: 比特幣), han ku cami a kalisiw (加密貨幣).
i 2009 a mihcaan, izaw ci Satoshi Nakamoto (中本聰) hananay a tademaw, patizeng ciniza tu sayaway a cami a kalisiw, u pitepi han ku ngangan. ci Satoshi Nakamoto inayay ku matinengay i cinizaan, itiza sa i wanglu masadak ciniza, inayay ku matinengay cima ciniza.
pitepi a kalisiw mapatizeng, tu izaw ku palatatengaay a tademaw, malecadtu tu tatenga’ay a kalisiw sa ku balucu’, nika i 2010 a mihcaan i limaay a bulad cacay a lasubu a pitepi caay pakaala tu cacay a meykin (美金).
itawya i wanglu sakamu sa tu katuuday, a cacay a mang a pitepi, ku sapicakay aku tu tusaay a tabakiay a pisa (披薩) nika tulu a demiad inayay ku paengilay i cinizaan, i sepatay a demiad itiya izaw ku pacakayay i cinizaan. naitawya, katuud katuud ku palatatenga’ay., pitepi amala tatenga’ay a kalisiw.
i 2021 a mihcaan cacay a bataan a bulad, cacay a pitepi makaala tu enem a mang a meykin. naayay tusa a pisa ku picakay a pitepi, ayza kapah tu micakay tu pisa, tada yadah tu, yadah ku pisa, hakay kapah patizeng tu lima a malebut a sapimali a kakitizaan.
kya mala tatenga’ay a kalisiw ku pitepi saw? kya palatatenga’ ku tademaw tu pitepi saw? i ayaw nu cami a kalisiw, u katinengan nu katuuday sa u tatipeluk a kalisiw, u tatipeluk adada’, nika kapah sapicakay tu kakaan, kazizeng, kapah sipicakay tu luma’ kya palatatenga’ ku katuuday tu mahiniay maingsace tu sulit a tatipeluk saw?
kya palatatenga’ ku binawlan tu pitepi saw? sayaway u pitepi sa u nu teynnaw a nikeysang, an u nisanga’an tusa a malebut caay a lasubu adada’, kyu mahiza u kim kaadiding.
zaysa pitepi kapah sapisuybay u teynnaw ku mikeysangay, u nipikeysang sa caay hanen nu gingku tu labang ku nipikeysan, i hamin nu hekal a teynnaw, kapah amin a mikeysan.
Kacaw izaw ku cacay a mang a pitepi kapah makiluk i kakuteynnaw, anu izaw ku misubaday tu kiluk nu teynnaw, katinengen tu nu zumaay a teynnaw. Kacaw pabelien ci Kacaw ci Dungi tu cacay a lasubu a pitepi, kapah makiluk nu zumaay a teynnaw, anu izaw ku mitakaw misumaday misumad tu kiluk nu teynnaw, katinengen tu nu zuma a teynnaw, kyu, palatatenga’ ku binawlan tu pikeysan nu pitepi.
u teynnaw ku mipatizengay tu a camikalisiw, azihen u lihadaay a kalisiw, u nu ayzaay a baluhay a nisanga’an. nika i 2023 a mihcaan hamin nu hekal sakinatusa mapingku tu ku cami a kalisiw a kakitrizaan mapingkutu, caay tu kakapah miala tu kalisiw tu nu uzip.
kanahatu u piseyki nu teynnaw tu cami a kalisiw u salihadayay, nika u tademaw henay ku miteynnaway, caay kamapingku adada’, sawsawni matengil tu nu mita ku paengedaytu cami a kalisiw. kyu mahicahica ku kasumad nu ziday, u cacanan ku kasumad nu binawlan mizukaybas, u singyon nu tatademaw ku satabakiay.