Taywan a likisi-ulaulangan a balucu’ nu dipun
nayi 16世紀 a zitay malalais henay ku binacadan nu dipun sa katukuh i sadikutay a nika lalais idaw kya 豐臣秀吉 hananay mademec nita ku dumaay a masakatuday mala sacacay satu ku kanatal nu dipun unabalucuan ni 豐臣秀喜 sa sibalucu cinida caay kau mamikuwan adada tu dipun palumata henay tu biyawan a kitakit nu niyadu’ sisa maydi cinida tayda tunuayaw makay bayu mingayaw tu cawsiyen (朝鮮）pasu maydih henay midebung tu Taywan maydih mala sakakaay nu 亞洲 a kitakit.namahida satu sa iti 西元1593 a mihcaan pataydaan nida ku mitengilay a musakawaway sicudad tu tayni i Taywan u talakaway nu ba’yu hananay a kitakit sa maydih muala tu sapadamsu apalu sakakay mamikuwanay nika nayay kuni katineng tunu subalay a kawaw kya tayniyay a patengil katukuh sa dada itawya matineng maka adih tuni ka yadah nu yuncumin hananay a binacadan caay kalecad kuni kasaniyadu’ caay amin kasasucabay nidaku nida sananay maudip i enal nu kakaudipan ahicaen pabeli tu sakay pasaba tiya cudadan u kamu nu itiniyay sa caay amin kalecad imahida satu nayien tu wantan kakawaw sa mubelih palatek satu muliyas panukas talumaen i dipun.
nadikudan tusa idaw ku sabaw enem a mihcaan namikuwan nu dipun a kitakit mapadumatu u ci 德川家康 hananay ku ngangan patadaan nida ku hitay tayni i nuwalian nu Taywan maytengil misamawmaw mahida satu idaw kuni lakuwit tu enemay a mihcaan misaupu cinida tu katuuday a hitay mingayaw maydih midebung.tu kakitidaan nu yuncumin hananay a binacadan zayhan nikalingatu tabayu sa sikalitemuh tu tabakiyay a baliyus yadah ku maelulay nu hitay mapacelem ku balunga namahida satu sikalemet nu i Taywanay a yuncumin malaliw ku satabakiyay a labades .
kanahatu caay kalaheci sakay midebum i Taywan a kawaw sa nika iniw nikatukuh i 十六 世紀 hananay a nu dikudan tuway a mihcaan u kungku atu micebisay nayay tuku maadihay zayhan taydaay i Taywan a miubiyay pacakay atu musakawaway tu lacusay a tuudtuud sa yadah ku mahidaay icuwacuwa sa idaw aca uduma ku makay tayliuku atu nu dipunay hananay a tademaw ku sayadahay mahida u sasaupuwan aca nu dipun atu Tayliuku 中國 a tademaw amay sakay misiwbay tu lacusay nu hicahicaan tu ku Taywan imahida henay a ziday .
u buyu’ nu Taywan sa iayaw nu tulu hakya sepat hakya a lasubu nu mihcaan idaw ku masa pulungay nu ngabul tacuwacuwa miidang keman tu lutuk nika kanahatu miaduup ku i Taywanay a binacadan sa idaw aca ku paysin sakay aadupan sisa caay ka hamin ku aadupen i enal atu i buyu’ay .zayhan tayniyan nu Hulan satuway sa misiwbay atu Dipun maydih pakaedem tu sakay idaw nu sasangaan tu tupel nu hitay nu Dipan sa caay pikizay micakay tu bukul nu ngabul i yucumim a binacadan pakabangbang tu miadupay misayadah tu bukul nu ngabul imahida sayadahay a nipiadup cacayay a mihcaan sa makaala tu cacay a bataan nu mang (萬）kay bukul nu ngabul u duma sa idaw waca ku makaytay i Tayliuku a tademaw mikilihida misiwbay sisa u ngabul nu Taywan sa kasenun saan maselep ku sakamucelak nudikutan satu nanayi tu madih ku ngabul ienal nuTaywan taydaan tu i buyu’buyu’an caay tu kahacica ku liwan imahida .