nakamuwan ni Cay-Ing-Wen cung-tung tu paniyul a sakakapah

nakamuwan ni Cay-Ing-Wen(蔡英文) cung-tung(總統) tu paniyul a sakakapah (蔡英文總統轉型正義演說)

Cay-ing-wen cung-tung nu Taywan a kanatal

i 2016 a amihcan u cung-tung nu taywan ci Cay-ing-wen, napatadikud tu kamu paniyul a pakakapah (轉型正義) tu nadikudan, i binacadan nu itaywanay, sakamu sa ci Cay-ing-wen, yu mahida henay mahkatayni ku namakayniyay i hulam a tademaw, anu layak aca atu hitay nu Hulam aca, tayni ku heni i taywan sa misawacu i tamuwan u Binacadan（原住民）a yincumin, saan patadikud tu sasakamun i titaan u Binacadan(原住民), u nipatadikud nida tina kamuwan sa, caay kau la’tusay u kapahay tuway kina kawaw tuyniyan, nika, sakamu saan ku katuuday. anu tatenga’ patadikud tu sasakamuen, panacacay han ku kawaw kya u tatenga’ay patadikud, saan ku nipangiha’ nu katuuday, adiha hansa inayi’ ku cacacacay aca nu wayway, tadaw u nipahemul a cacay tu kamu i Binacadan, saan amin ku mitapalay .

anu tatenga’ mi patadikud tu sasakamun

sakamu satu ku mitapalay i tini i taywan; anu i cuwacuwaay a Binacadan, malecalecad ku nipiadih mutapal tina kawawan, i nayi’ ku heci nina nipipatadikud tu kamu saan, idayhan u paduh acacay inayi’ ku nilacul tu heci saan, u muhalhalay tu amin ku katuuday a Binacadan, tu nipilacul ni Cay-ing-wen tu nakamuwan nida, tu nipatadikudan a kamu tu nilacul a heci, katukuh ayda inayi’ ku tekiteki nu nipakilukilul aca, sepat henay a mihcan mamin tu misinkiw, tu sakinatusa nida a malaCung-tung, caay haw?

an idaw ku balucu’ nida, amipatadikud tu nikapatelacan i tawya i kasumamadan, kau namakay labuway nu balacu’ a kamu ku sapatahekal, patengil tu katuuday a binacadan, kya amasinanut ku nipitengil nu katuuday mitapal.

wycanan ku pingalalan nu binacadan

ayda uycanan ku hahalhalen nu Binacadan tu tatenga’ay a nipatadikud tu sasakamuen, uycanan ku ngalalen nu katuuday tu nipaini tu sasakamuen, wahacacay han nu Kanatal a mupabelih i binawlan, u sasalabuen, u sahenulay a kawaw tu sakay tini i sabawenemay a Binacadan.

1. sakacacay, wahican nu Kanatal pasukas kuni alawan, i Binacadan tu lala’i kasumamadan, u naumahan nu Binawlan i tawya, anyaan pasukas ku kanatal a saheciyn musakamu kya, amasulinga’ ku nipitengil nu binawlan.
2. sakatusa, wacaay haw pasukas ku kanatal, tu naumahan nu babalaki i kasumamadan tulala’, unaluma’an u nikabulawan malimad,uni kaykaydaan mi lami’ miadup atu babutingan, aydaan u papasukasen amin nu kanatal kumahiniyay a lala'.
3. sakatulu, u kamu nu Binacadan i , nikatayniyan nu kahulaman i taywan, lawpes saca kukamu nu Binacadan i nyadu’, katukuh ayda amakaala tu waluway abataan ku mihecan, maliyuh tuamin ku wadiwawa nu binacadan, musakamu tu tadakamu nu binacadan, amalawlawpes tu kukamu inyadu’, u lalangawen u tuudamin unanam tu sakaudip nunyadu’, umahiniyay a kawaw caay kawnikakayi nu binawlan caay kaw nipiales nu binawlan , uni padetengan nu kanatal apa satedep mu sakamu tukamu numita, u mahiniyay a kawaw ahican nu kanatal misakaliyuh ku mahiniyay a kawaw.
4. u sakasepat, wapatibeng mi sanga’ ku tkanatal tu cacudadan nu Binacadan, awnu Binacadan amin ku pasubana’ay i cacudadan, kya ama palekal ku mamalawpesay tu a kamu nu binacadan, hinien ku kakawaw kya u tatenga’ay ani pasukas tu sasakamun, palu tatenga’ ku katuudaya Binacadan.
5. u sakalima sa, anu tatenga’patadikud tu nanu, kasu mamadan akawaw i binacadan hawsa, ku hakalamkam han paculil patapabaw pacumud i kinpu, tu nisanga’an tu hulic nu binacadan, tu sakay tini i naumahan unubayu, atu sapi siteked nu binacadan milhida maudip, itini i taywan kya u tatenga’ay ani patadikud tukawaw.