satebuc nu kitakit
satebuc nu kitakit (世界災難)
kakiliman
mikawaway-kalumyitiayza u hekal i kitakit amin i 2020 a mihcaan uyni i cacayay henay a buladan yadah ku satebuc atu libung nu tademaw, katinengan i sumamad izaw tu ku kamu tu 2012 a mihcaan kalawpesan nu kitakit sa, itawya uyniay aca izaw ku nisaigaan tu mahiniay u kalawpesan nu kitakit, yaiga pangangan han 2012 a mihcaan. zateng han tuyni a kamu i 2013 a mihecaan hawsa, katuud ku musakamuay a tademaw a malawpes tu ku kitakit sa. katukuh ayza azihan cay tu kahica kapah tu kuni kauzip nu tademaw, satu kapawan han tu nu binawlan, i ayaw nu 2012 a mihcaan tu nikalihanaw atu sakatalawan a malawpes ku kitakit, hinisatu malakui' tu waluay a mihcaan hawsa, uyni salingatu tu 2020 a mihcaan, suzikuzen nu mita miazih mahicaay ku kawaw nu kitakit.
nilaculan
mikawaway-kalumyiti.png)
i cacayay a bulad Aozhou a kanatal makatuduh ku buyu' pakala tu sepat a bulad ku katenes. Nan beiji a kanatal mabasaw malananum tu kuya kuli a buyu'. Maiguo a kanatal i sepatay a mihcaan u sapihacengay a libung a imelang, katukuh i cacay a bulad cacay izaw ku cacay a demiad hawsa, u malaliday nu imelang a tademaw mapulung izaw ku 1300 amangan ku tademaw, 6600 ku mapatayay nu tademaw. u zuma satu China Uhan a kanatal malibung ku tademaw nu bala' ledek a imelang, COVID-19 han milaliday a imelang, malalalid ku tademaw katukuh tu i cuwacuwaay a kanatal, a mahamin tu ku i kitakitay a tademaw imelang, satu katuud tu ku mapatayay nu tademaw cay tu kaasip. uynian a bulad tu tuluay a demiad Yilang a Sawcang hitay mapacu' mapatay u Maiguo atu Yilang" sangaleb satu ku sasulacus. Philippines Taer mabuwaha ku silamalay a buyu’ pakala tu pinaay a mang ku miliyasay tu kakitizaan a luma' nu tademaw. Africa naitini i tusa bataan izaw ku lima a mihcaan u sapihacengay padakaw a satebuc, ya midebungay a padakaw pakala tu 3600 lasubu aik' ku ka kayadah cacay a padakaw hatiza u tabakiay a taluzu' nu tademaw. Jianada a kanatal madaceb nu kuli a baliyus. Sipanish a kanatal mahizatu pihaceng kuni ka baliyus, satu i cuwacuwaay a kanatal maninel yamin. cacay a bulad tusa bataan izaw ku lima a demiad tu saka enem a demiad walu ku satabakiay nu ninel. cacay a bulad tusa bataan izaw ku walu a demiad Cuba a kanatal 7.7 ku ninel. uynian a bulad tulu bataan a demiad China Xiang 3.4 ku ninel. tusa a bulad cacay a demiad Nihon Tokyo a kanatal 5.2 ku ninel. i China Sincang 3.7 ku ninel. atu tuluay a demiad China Sichuan 5.1 ku ninel. hatiza ku satebuc nu hekal, i 2012 a mihcaan a caay ka lawpes ku kitakit sakukamu nu binawlan amin, katukuhan tu i 2020 a mihcaan cay tu kahapinang pasubana' i titaan, kitakit mahiza u haymaw sanay tu a malawpes ku satebuc. tamahini satu a panukas pazateng tu binawlan amin, namahicaay ku kawaw nu tademaw asaan, ayza i cuwacuwa izaw saca mahiniay lalebulebu sa ku lalabuay situngusay tu nu kanatal a kawaw, uyni u malalacalay pabaliway tu tuud malaalaw caculiculi sa. paydemiad maazih tu nu mita i tilivi i sinbun ku mahicahicaay a kawaw libung imelang u ninel baliyus atu satebuc, a musuayaw tu kita u tademaw tu sakalapades nu nikauzip.