"u kamu nu Auskan" misumad laeday sasizuma

== nilacul ==

u kamu nu Auskan, u sakamuan nu Auskan binacadan a tademaw, namakay Intu atu Ocu a kamu, Itali binacadan Sapeikeli a ciid nu kamu. malecday a ciid nu kamu, izaw Latin-Falisi kamu atu Wongpuliya kamu. Auskan a tademaw mueneng i Samonay、Kanpaniya、Lukaniya、Apulusu. kamu nu Auskan singangan namakay i BC 500 a mihcaan, u singanganay a paya', tadamaan a paya' tatusa: Pantina paya' atu Saypus.Apeinus a paya'. kamu nu Auskan saungay tu Latin bacusulit(字母) atu Sila bacusulit, naamahiza, nanu saungay kalimaan Italiay a bacusulit.

 

Auskan kamu izaw enem a kakitizaan a kamu, yamalyiliu Samunit kakitizaan a kamu, Malucinei kakitizaan a kamu, Peilinei kakitizaan a kamu, Weistini kakitizaan a kamu atu Mals kakitizaan a kamu.

 

Auskan kamu atu Latin kamu izaw malecay a lacul, uyzasa izaw yadah caykalecaday a lacul, kayadah hina makaazihay Latin kamu sulit luyaluy a sinayinay(缺失), saungay sungila' caykalecaday a sulit. tinaku: Latin kamu volo, velle,volui, atu namakay Pulu wali - Indi Oco kamu salaylay(語系) a sulit lami' wei, i Auskan kamu namakay *gher a herest(maydih cila, milungc cila), caaykalecad tu Latin kamu a vult, zumasatu, kakitizaan、aenengan a sulit, u Latin kamu sa u locus, Auskan kamu sa u slaagid.

 

i ngiha salaylay, Aukan kamu caaykalecad tu Latin kamu: Auskan kamu saungay p pasumad tu Latin kamu a qu, u b pasumad tu v, u b acasa d pasumad tu f. ayzasa, sacahamin a kamu nu Itali kamu binacadan, dada' Auskan kamu malisimed tu sungila'ay a tusa nangiha salaylay, imahiniay, dada' Sila kamu taneng sasutili'.