sikulitay a cudad

sikulitay a cudad(繪本)

kaliliman(摘要)

sikulitay a cudad

u katinengan ku sikulitay a cudad. kina cudad amin u kulit amin, tanen malacacay a aasipan a cudad kya malasikulitay a cudad.tanengay sakamu, anu alan ku sulit nina cudad, amatineng tu miadih dina cudadan amiasip atu miadih, kya malucek malasikulitay a cudad. u sikulitay a cudad malanlan atu sulit mapiyalaw ku dadimaw miadih. ina cudada anu u sulit ku angangan, anu malacacay sa pakuliten, anu kina cudad anu maalaen ku sulit, anu adihan ku sulit caay katineng u kulit caay katinengi kina kungku nu kulit anu mahicahica, kina kungku.simihcaan tu kina cudad, sikulitay a cudad sakay nu wawaay、skay nu wawaan amipatahkalan, tanen sakay i wawa、u nu wawa aca aadihan kina nipiasip tu cudad, u nu babalaki a kulitay a cudad tanen sakay babalaki miasip a cudad.

i tabakiay a cacudadan,sikulitay a cudad nai’ ku mahiniay saka idini. i takuwanan a sapiasip atu sapiasip tu sa pikingkiw. sikulitay a cudad i tida amin i mulaay、u kakulitay atu nu wawaay a nipikingkiwan u sapicudadan a nipicudad ku niyan.

nilacul(內容)

laylay nu sikulitay a cudad

i tawya u sikulitay a cudad taneng mikilul tu naayaway nu dademawan u malatadikutay, nu sayaway a dademaw idaw ku sikulitay i buhang nu puyuh、nu aatupan a ukak nu tatangahan malasulit atu kulit、u banges nu aatupan idaw ku nu udumaay a sapisulit. manay makilul tu ku nu aydaay misapaluhay tu nu sayaway a misulat tu sulit nu aydaay, nu dademaw atu sasulitan nu dademaw mikulit ku sikalengatu tu canacanan a sikulitay a cudad, namumahida: u sasulitan nu kulit atu sulit pasu’ nu sapaiyu ani pisulit、winiyanaca u pakuntaway atu kulit ku sa pasumana tu laylay, u kasumamatan idaw ku sulit idini i sakudip tu nu hulan a kulit, u nalimaan naming kuni pikulit caay pakatudung kutaw.

anu izaw ku tademaw izaway tu kungku,yusumamad nayay henay ku sapatahkal tu cudad,yadah ku sikulitay a cudad nu tademaw a lima ku sapisulit,nika yadah ku nipalawpis tu demiad amisulit, sisa caay kayadah. sakamu saan sa, yu mahidahen misanga’ tu nalimaan a cudad nu kulit atu sulit ku sapasubana’ tu kawaw nu sasakamuwan, zayhan izaw ku namakayniyay i misulitay atu babalaki misanga’ sapaadih tu wawa a kulit, mahini ku nu naayaway a nipatahkal tu sulit atu kulit. ayday hantu izaw tu ku kikay nu sapisanga’ tu sulit i hekal, u kitaki yadah tu patahkel pacakay tu sikulitay a cudad. i Taywan, ayda yadah tu ku sikulitay a cudad u udip tu ku patahkalay tu kalisiw patahkal tu sikulitaya cudad, sisa sacacay sa tahkal ku cudad. caay kalalucek, sisa nayay ku kitaki a tatenga’ay nu cudad a ISBN.

u sakatineng nu sikulitay a cudad

i nasikulitay a cudad pakayni nu wawaan a nipisanga’, mika aydaay tu amihcaan a sikulitay a cudad , yadah tu ku caayay kalecad tu misapaluhay saicelang patahkal:

• babalaki atu wawa masaupu micudad

wama atu wina malatay tu misanga’ tu sikulitay a cudad、malatay miadih tu sikulitay atu sasalamaan a cudad. i Taywan, yadah tu takalaway a cacudadan misanga’ tu nalimaan a cudad, sisa nalimaan a cudad caay katatayuman ku tu lawad, zayhan nu Taywan a babalaki misanga’ atu wawa malatay midaten, malinga’ tu tu mihan nu lima misanga’ tu sikulitay a cudad. uzuma takalaway a cacudadan nu sikulitay malasapicudadan nu heni.

• misupit tu balucu’

katuud tu ku masakapahay caay katineng mihinum tu balucu’, sisa misanga’ tu sikulitay a cudad atu micudad tu sikulitay, kya mahinum ku balucu’.

• misulit tu nika udipan

ayzaay a mihcaan, izaw tu ku sikulitay a cudad atu nipisulit paadih tu ayzaay a kakanan atu sapidangay. izaw tu ku uynian sikulitay a cudad atu kakanan, sisa u sikulitay a cudad matineng tu misanga’ tu aadihan.

• misuped tu kamu

u nanaman a kamu caay a tayung misupid,uyni nu hulam 、 ngayngay atu yuncumin amin a kamu sa, nu sikulitay a cudad patahkal.

• misuped tu laylayan

miasip sa tu kitakit a sikulitay a cudad, taneng matineng tu nu taway a niyadu’ a kitakit tuni caay kalecad, pakatineng tu micudaday tina kitakit, taneng tu patineng tu adiwawa miadih tu sikulitay a cudad tu nu ayzaay a kakitidaan tuni caay kalecad.

namakayniay a nasulitan nasakamuan atu natinengan（參考來源）

• wikipayke-繪本
• nasulitan ni Lisin Kubung i 2019 itiza Sakul niyazu'