tadisawak

u tadisawak hananay sa(kamu nu Hulam: 背心)

u tadisawak hananay sa i na kamu u nayay ku ledungay a dikuc, idaw ku kasi i labuay nu dikuc a tadisawak(kamu nu Amuhuwan: Undershirt, kamu nu British: Vest), atu sika i hekalay a tadisawak(kamu nu Amuhuwan: Vest, kamu nu British: Waistcoat), caay pasasiduma tu tatama atu tatayna, nika u nu tatamaay nu tataynaay a tadisawak i nitekel, saka i cuwa nisadikucen, nisaitan idaw aca ku caay kalecad a nalimaan. u duma sa ya tadisawak caay sa ya ma-jia(馬甲) sipakayda hantu nayi’ay ku ledung sa, nu i hekalay a sidikuc, u sakasaan taneng micunus tu sakadihku, salungan atu misakapah.

nika idaw nu sulit(詞源)

u kamu nu tadisawak sa u mitena’ tu apa atu mitena’ tu balucu’, u hulaman a tadisawak u namakay i wei-jin-nan-pei-zao nutawyaay a liyang-dang, mitudung tu han-dayay a liyang-dang-kay, i song-day a malingatu pangangan hantu tadisawak.

i aydaay tu sa masa nayi’ay ku ledung a dikuc atu sikausay apuyu’ay a dikuc hamin han hinin pangangan.

kasasizuma nu tadisawak(背心種類)

sikausay a tadisawak

sipangangan aca tu siao-ke-ay(小可愛), sakay tataynaay a dikuc, micitek nu wayway sa masaadidiay a kaus atu nisa-ngaayan nu limaan misanga’, sadikuc han u duma ku nikaadih tu masapucupucu’ay nu udipa atu tatelecan salungan sa. pasu ina sikausay a tadisawak sasa’pi’an aca atu siduma han sa matatungus sadikucen, yadah ku tatayna atu limecedan i lalud manamuh sidikuc tina sikausay a tadisawak, idaw aca ku tatayna i luma’ hida sa sidikuc i hekal.

sapilatlatay a tadisawak

sipangangan aca tu A-Sqiurt, hina maadih i kadubaan, misatanektekay a latlatan a latlatay a sipangangan, mahkasidikuc a mamin ku tatama tina tadisawak, kilul sa nu dikudan pasu tatayna sidikuc.

u latlatay a tadisawak hina sakay labuay, nika anu caledes ku demiad sa duhpic sa sitadisawak dada’, u duma sa pasadikuc han atu sakabi’an.

u latlatay a tadisawak nu nalimaan a misait madayum(nayay ku sakiliel, nayay ku sakubit atu nayay ku palubucan) mangaay sasa’pi' saan, u zayliw niya tadisawak u nu kupa atu nu dumaay a micepcepay tu tanang a zen-cao-sien-wei(人造纖維).

lusitay a tadisawak

u Sakidayaay a tadisawak sa, u lusit nu tatama, uyda sa sitadisawak malasadikucan.