u iga panganganen nu “Moana”

u iga panganganen tu “Moana” nu sikatawidan maka i bayu

u iga panganganen tu “Moana” nu sikatawidan maka i bayu, namaka i 2016 a mihcaan sakawalawalah sadadiwan nu iga America. namakayda i Polynesia a lalangawan a kungku.

nikahidaan

kina kungku namaka i subalay i timulay nu Taypiyang, idaw ku cacayay a wawana ni tumul ci Moana ku ngngaan nida, u bayi ni Moana misakamu tu u matenesay a kungku. na maibuibul henay ku kitakit sa, u cacayay a bayu, makaydaay kakawsan amin ci Te Fiti, tayni sananay misanga’ tu tuudtuud.

idaw tu ku talahaday, lacusay, misatalay a tademaw, maydih mikidem tu balucu’ ni Ta Fiti, anu makidem tu ku balucu’, a tanengay tu misaahicahica, cacayay a demiad idaw ku sikaliwaza a sakulawid ci Maui, u di’tuay a tademaw, namakay bataday a ahebalay a bayu, katukuh tu kamueneng ni Ta Fiti a subal, malaheci saw maubi han nida ku balucu’ ni Ta Fiti.

nayiay tu ku balucu’ ni Ta Fiti, malingatu tu maliwasak a sakatalawan sa ku wayway, anu mulaliw ci Maui, nipilaliw i tepan sa mulikeluh tu maydihay a mikidemay tu balucu’ ni Ta Fiti a di’tu ci Tika, matatiik ku heni, macacebis tiiken ni Tika ci Maui, maka i tapuku matelak i bayu, macelem tu ya sikaliwazaay a sakulawit atu balucu’ ni Te Fiti ladayen tu macelem labulabuan nu bayu.

hinisaan cacay a malebut a mihecaan tu katukuh ayza sa, ci Tika atu cabay nida a di’tu, mikilim henay tu balucu’ ni Te Fiti, i duutay midimutay a adingu mahiza tu mucelak, anu caayay han kalawpes ku subasubal atu kitakit sa a caay tu kasatedep.

a idaw ku pataluma’ay tu balucu’ ni Ta Fiti a tademaw, maka balunga pabaybay makakilimay ci Maui sa, ladayen ci Maui lakecen ku bayu, makayza i mapataday taluma’, a panukas tu balucu’ ni Ta Fiti, sapaudip tadetademaw nu kitakit.

nanu mulaay han maanmuh i bayubayuan maudip balaki sa, ya bayu sawsawni mahiza mitakusay ci Moanaan, awza! awza! sananay, ci ama nida kinapina miketun tu mahiniay a balucu’, amana piliyas nu sakaudipan nu misu a subal, kya dimuten han i balucu’ ku kakaydihen ni Moana sakatayza i mabataday. ayda sa idaw ku papilien ni Moana, a tayza haw? a miliyas tu subal haw? a i tini tu i niyadu’ haw? makesem ci Moana.

a padutus ni ama niza ci Moana malatumuk nuayaw nu labi’, kaudip nu subal, paengaw sa mahiza u mabacuay nu mudebungay ku niyadu’ nu binawlanay, nayi’ tu ku kakaenen, mabiyalaw maliyuh tu a hicaan sa tu ku kasingalih tu kakaenen nu binawlan.

ayda a misuayaw a kalabades nu binawlan a kawaw ci bayian maka tengil aca nuyaan idaway ku sadimata’ mamikuwan nida atu naayaway u dadimutan ci Moanaan a tataytay cinida milakuy tu bayu, tayda mikilim tu i kungkuay a di’tu ci Maui, pataluma’ tu nikideman TaFiti a balucu’ panukas tu lala’an.

pipakilac

namaka iga miadihan, caay kanamuh ku Polinisiya makayda i kungkuay ci Maui, tatenga’ hakiya kidemuay ci Maui, musakamu aca kya hidaan tu mikaciliay i tuhenian, mahida u pabuy atu hema malamlamay a di’tu sa, a manamuh haw ku Polinisiya.

hinihan nu The Walt Disney Company sa paluwaluwa tu tademaw, idaw aca ku kamu ya iga nu The Walt Disney Company i Helloween nu padikucan ci Mauian, kulit nu dikuc mahidaay caay pikasikac tu Polinisiya atu lalangaw, a pisapu’lac tuheni.

cacunusan a kamu

Moana a ngangan i Maori atu Hawaii a kamu sa, u imi sa ahebalay a mabataday a bayu.