i kitakit u satabakiay nu mibutingay a balunga

kakiliman

i kitakit u satabakiay nu mibutingay a balunga, pakala tu sabaw walu a i'k ku kalisiw , kina cacay a pasalil tu buting pinaay tu a mihcaan caay tu ka hamin makan, mahini ku kumu, i buyu’ay aw nu buyu’ay tu kunisakauzip.

nilaculan

i bayuay aw nu bayuay tu kuni sakauzip, i enalay mauzip a tademaw min aw nu kaluk kunisakauzip, datipasanay a tademaw u mibutingay ku nisakauzip. i sumamad mibutingay a tademaw hanu lima han mibakah ku salil, nika mikilul tu kekci macakat tu ku sapibuting a sadikec, ayza u satabakiay mibitingay a balunga. katinengan u binawlan sa Netherlands i sumamad tu sabaw pitu a mihcaan hawsa singangan tu "Sea coachman" hananay i tawya u satabakiay u saicelangay nu bayu nu mibutingay, na uynian a balunga nau Holland ku misangaan tu saicelangay i bayu nu mibuting, "Persman" ku ngangan niya balunga, cacay lasubu sepat izaw ku tulu depah katanaya’ sabaw walu depah ka ahebal, pisilsilan tu nanum pakalatu a mang kuntun, u satabakiay nu mibutingay nu balunga i kitakid, naamahiza tu saka tusa satabakiay tu nu mibutingay a balunga i kitakid. mahizaay u tabakiay a balunga, u mahiniay tabakiay ni sanga'an a balunga pakala tu sabaw walu a i'k ku nu mitaay Taywan a kalisiw, ni pazengan i balunga a sapibuting nu ayzaay u sapapahay a sapibuting, izami ku canacanan u baluhay min a madem tu ku sapisa kawa atuud, anu lalid sa tu pinaay a bulad i bayu acay kanikaw, sisa uyni a balunga singangan tu satabakiay mibutingay a balunga i bayu, cay paceba sa asingangan tatengaay a singangan tuyni, "u milangecay a kikay nu bayu" han u saka tineng kyami hawsa, uyni a balunga u sakapahay u matekesay kuni alaan a buting, i "Tasman Sea, Southeast Asian, Gulf of Australia" a bayu atu nu walian nu New Zealand, uyni a balunga azihan ku hekal caay ku kasenengan dada’ musakakawaw caay ka sasisuma sa, kina cacay pasalil makelup tu 250 kuntun 300 kuntun kayadah ku nialaan tu buting, uzuma satu bahal sa maala tu "whale atu shark" a butingan nikalaan a buting hawsa, a patayza han i pipazengan tu butingu i lalabu nu tabakiay cudetay a sulu. uynian cudetay a sulu sayadahay taneng 6000 kuntun kuni pazeng tu buting i labu. mahiniay u yadahay ku nikala tu buting a balunga haw sa, nacacay ta bayu mibuting pakala tu malebut kungtun ku nikalaan a buting, palecad han, tu nisangan tu balunga a kalisiyu sepat a i’k tatenga' caay tu kaadadaen ku balucu’, mahiniay a aca tuyni u micakayay hawsa manamuh tu pazih, nika pakayni i nu bayuay a mulangaway mauzipay hawsa, a sakalawpes nu buting. azihansaw anu yadayadah ku buting i bayu acay tu kademec kuyni u mikelupay tu buting a balunga, ayza satu a mihcaan, musuayaw tu mahiniay u mikelupay a balunga tadiyadah tu ku nialaan tu balunga, mauzipay i bayu katinenga tu mawada' tu ku kayadah nu buting i bayu, uyniyaca izaw ku mitesekay amihapinang tu mahiniay a kawaw, anu caay pasatezepen ku nipibuting, i tusa bataan izaw ku cacay a mihcaan amala u sazikuzay tu a mihcaan uyni i bayuay a alaan.

nisulitan

• namakayniay a nasulitan nasakamuan atu natinengn
• nasulitan ni Sabak Tutuy i 2019 a mihcaan i tiza i Hupu a niyazu'