laluma'an nu Stak

laluma'an nu Stak i Kasi'nawan (Amilika: House of Stark of Witerfell) u nisangaan ku dadiw nu sulda atu lamal nu misulitay ci George Raymond Richard Martin, u caay katenga a laluma'an.

u sasatuasay a laluma'an i aamisan ku laluma'an nu Stak, u kasahenulan a laluma'an i aamisan ku heni; u mikeliday i aamisan ku laluma'an nu Stak aca.

i nu saayaway nu cudad, u Ed Stak ku sakakaay a mikeliday, u idaway tu Kasi'nawan aca, u midiputay tu nu aamisan aca.

u kulit nu laluma'an nu Stak hananay, u maduba'ay i sulsuldaay a lala' a Wolf  ; u kamu nu laluma'an: amakatukuk tu i kasi'nawan. (Amilika a kamu: Winter is coming.)

史塔克家族的紋章

laylay nu laluma'an nu Stak

u malingatuway ci Planden ku patizengay nu laluma'an nu Stak, u cacayay nu sibutulay a kungku hananay. i daw (izaw) ku cacay a kungku tu cinidaan (cinizaan) hananay, napatizeng(napatideng) ci nida atu Alikakay tu talakaway a lilin tu mitena' tu sanlengacay culilay a kukung.

namakay u patizengay ci Pulanden hananay, u kakaay a mikeliday ku laluma'an nu Stak i dikuday a malebu' a mihcan i aamisan. namalaala tu namadademecay ci Tolen Stak namadademec tu Ekon, malamisimaway tu aamisan tu llaluma'an nu Stak sananay.

micidekay atu lalangawan

u micidekay nu laluma'an nu Stak, i tanayaay a bihid, abuabuwan a mata, talakaway a udip; zayhan, u maedapan nu saayaway a tademaw tu patizanan nu talakaway a lilin sa, mitena' tu sanlengacay culilay a kukung, atu nicuwaay nu aamisan, sisa malakasahenulay a paayawwayay nu pisimaway tu labii a hitay ku laluma'an nu Stak.

ayda a kasahenulay a tademaw tu laluma'an nu Stak

u kalasuay a sasingalan tu laluma'an nu Stak.

Ed

(Amilika a kamu: Edard Stark)

Alya

manamuh ci nida tahekal misaculiculil midang, caay kahida u kakana nida ci Sansa, tada' u madimelay a tatayna ci Sansa, sademiad sa minaman tu mala tatenga'ay a kumceday a limecedam cinida.

maydih ci Alya minanam mala hitay, mi kuning tu balucu’ ngay icelang mipacuk tu ada, mala tatenga'ay a hitay.

laylay

u sakatulu a wawa nu mikeliday nu Kasienawan ci Edad aci Katelin, u sasabaay a wawana nu hehi, izaw (idaw) ku tatulu a kaka nida, u kakaay ci Lab, u saba ci Plan aci Licon, izaw (idaw) aca ku cacayya a kakana ci Sansa, izaw(idaw) aca ku cacay a kaka nu caay kalecad a ina ci Cyan Snu.

makayi ci Alya mala a silalangawan a limecedam, matalaw ci nida malacawa tu cacay a tau a caay katinengay.

caay kanamuh nida ninaman tu mudadiw, musalukyaw, atu mitenun hananay, manamuh nida minanam tu mipana', mipacin, midiput tu laluma'an.

Cyan Sno

u hayu tu Cyan Sno, u saayaway a patahkalay tu sakawalu a puu' tu kitakitay.

Cyan Sno (Amilika a kamu: Jon Snow) u wawa ni Leyka Takelian aci Liana Stak, u cacay tada a wawa nu heni. i nunisulitan a cudad, i nu saayaway sa, u pucud(私生子) a wawa ni Etad Stak aci Katelin Stak hananay. u masakapahay i "u dadiw nu Sulda atu lamal" ya tilibi a kungku hananay.

mabalaki nida ci Cyan Sno atu calekaka nida (niza)(wawa ni Etad Stakaci aci Katelin Stak).

malalitin tu ihekaay atu zumaay a natinengan（參考資料及外部連結）

喬治馬丁個人網站