tuluway ku mata a akak

dadiw nu sulda atu lamal(Amilika: A Song of Ice and Fire), u nisangaan nu misulitay ci George Raymond Richard Martin, u kungku nu nilalamelay nu laylay atu malawlaay nadatengan. izaw ku pituay a pu(部) nu ulic nu nida.

malagiki nu HBO i 2011 a mihcaan.

natahekal tu spi ni Pulanten Stak, panganganan nu wawa nu kilakilangan tu "sadikuday langdaway a samatinengay" nida, i naayaw, namalahitayay nu misebengay a hitay tu labii. tengil sa,cacay a malebut idaw ku cacay ku mata kayadan sakyami. atu mamandaay a banges, cacayay ku sumanahay a mata.

i lalabu nu kungku "u palaw nu maidangay a Liw" hananay sa, u pucud nu laluma'an nu Takelian, ci Pulayten Libun ku "siidangay a akak a kakelidan".

aadihan

idaw ku salengacay tanaya'ay a bukes, atu cacay dada a mata, maudip han nida i lalabu nu salegacay a kilang, sisa, mahida tatenga'ay a kilang; madukudukusay cinida, mahida u cacayay a mapatayay ku aadihan sa, idaw ku tabakiay, tanaya'ay a sumanahay a patusiyangay a kulit namaka liel katukuh i bihid. mabesud nu lamit nu salengacay a kilang ku cepi' makatukuh i abala hananay, kalalumelumeni'ay a sumanahay a papah mulangaw i ukak nida. izaw( idaw) ku budu' amin mulangaw i zais nida. idaw ku zumaay a ciid, mabesud tu zumaay a maluhacay a mata.

nu aydaay henay a kawaw

misalamaay nu talakawa

natahkal i spi ni Pulanten Stak hananay, pasubana' ci tuluway ku mata a akak i ci Pulantenan malaayam mubahel, i nu dikudan nu nabakahan ni Pulanten Stak sa, pasubana' ci u tuluway ku mata a akak i ci Pulandenan palekal tu namakayda i talakaway a cacekulan tu mahtikay, u masiketay ku sakubad a kuyu'(wolf) sakamu sa cinida.

palaw nu maidangay a Liw

Pulan atu Hoto atu Meyla, CyoCyen sa, tayda malakuit tu i baatay nu tabakiay a lilin, makatukuh i cacay a buhang. pasubana' ci tuluway ku mata a akak i Pulanan tu aadihan nu langdaway atu malazumaay a aadupen, ya tuluway a mata a akak, naci Palantan ku ngangan nida. pabeli han nida tu Pulanten tu nu salngacay a kilang a aam, apalekal tu langdaway a aadihan ni Pulanten, namakadih tu ama ci Etad Stak sa ci Pulanten i sibalucu'ay a kilang sa, sakamu sa ci tuluway ku mata a akak, lingitan nu adingu' i cinidaan, u cacayay kabidangan a calekakaan atu cacayay a maydihay a tatayna, nika, caay kasumad ku nu naayaway.

malalitin tu ihekaay atu zumaay a natinengan

nisulitan ni Padakaw Lami' 2020 a mihcaan i Takubuwan a niyazu'